တောင်သူလယ်သမားများ နှင်. မြန်မာ. ခိုင်းနွား

ရှေးယခင်ကပင် ကျွဲ၊ နွား၊ မြင်း၊ ဆင်၊ ကုလားအုပ်စသည့် တိရစ္ဆာန် များကို ထွန်ယက်စိုက်ပျိုးရာတွင် သုံးစွဲ ခဲ့ကြသည်။ ယခုခေတ် စက်ယန္တရား များ ပေါ်ပေါက်လာပြီဖြစ်သော်လည်း  အချို့နေရာ၊ အချို့လုပ်ငန်း၊ အချို့တောင်သူလယ်သမားများအတွက် ထိုတိရစ္ဆာန်များကိုလက်လွှတ်၍ မရနိုင်သေးကြောင်း ကမ္ဘာအရပ်ရပ်ရှိ စိုက်ပျိုးရေးလုပ်ငန်း များတွင်တွေ့မြင်ကြားသိနေရသည်။ မြန်မာနိုင်ငံကဲ့သို့ဖွံ့ဖြိုးဆဲ နိုင်ငံအတွက်မူ တိရစ္ဆာန် များ၏ လုပ်အားကို နှစ်သီးစား၊ သုံးသီးစား စိုက်ပျိုး ရေးအတွက် ပို၍ပင် အားထားကြရမည် ဖြစ်သည်။

ကျွဲ၊ နွားများ၏လုပ်အားသာမက ၎င်းတို့ကစွန့်ပစ်အပ်သော ကျင်ကြီးကျင်ငယ်တို့သည် သစ်ပင် အတွက်အသုံးဝင်လှသည်။ ထိုကျင်ကြီးကျင်ငယ်တို့သည် သစ်ပင်အတွက်အာဟာရဓာတ်ပေးစွမ်းခြင်း၊ မြေဆီ လွှာ၏သိပ်သည်းမှုကို ပြုပြင်ပေးခြင်း၊ မြေအချဉ် အငန်ဓာတ်(စံ) ကို ပြုပြင်ပေးခြင်း၊ လူနှင့် ပတ်ဝန်းကျင်ကို အဆိပ်အ တောက် မဖြစ်စေခြင်း စသည့်အကျိုး များကို ပေးစွမ်းနိုင်သည်။

ထို့ကြောင့် စိုက်ပျိုးသူတိုင်းမွေးမြူရေးကိုပါ တစ်ပိုင်တစ်နိုင်တွဲဖက်ပြီး မွေးမြူသင့်သည်။ ခိုင်းနွားမွေးမြူ ရေးကိုမူမိုးနည်းသောဒေသရှိ တောင်သူများက မိမိတို့သုံးစွဲရုံသာမက မိုးများဒေသရှိ လယ်သမားများ အတွက်ပါ ပိုမိုမွေးမြူ ကြရပါမည်။ အညာဒေသမှ တောင်သူကြီးများသည် ခိုင်းနေသော နွားအပြင် အရံအဖြစ် နောက်လိုက် နွားများပါ ထားလေ့ရှိကြသည်။ နောက်လိုက်နွားမှာ မိမိအိမ်ခြံပေါက်နွားဖြစ်သည်။ မြန်မာ မျိုးဖြစ်သည့် ရွှေနီ မျိုးသည် ခိုင်း၍ ပိုကောင်းကြောင်း မှတ်တမ်းတင်ခဲ့သည်။ ရွှေနီမျိုးသည် စပ်မျိုး (အိန္ဒိယနွားနှင့် စပ်သောမျိုး) ထက်အကောင် သေးငယ် သည်။ မိုးထဲ၊ လေထဲ၊ နေပူထဲတွင် ပို၍ အမောခံနိုင်သည်။ ဇွဲရှိသည်။ ရောဂါဘယ သက်သာသည်။ ထို့ကြောင့် မြင်း အုန်းခွံ၊ နွား ရွှေနီ၊ မယားတောသူ စသည်ဖြင့် တင်စားခဲ့ကြသည်။
နွားမွေးမြူမည်ဆိုလျှင် နွားမ ၁၀ ကောင်တွင် နွားသိုး (လိုက်နွား၊ နွားထီး)တစ်ကောင်ထားရသည်။ နွားမများကို ၁နှစ်ခွဲ-၂နှစ်(၂၁-လခန့်)အရွယ်တွင် သားတင်နိုင်ပြီး၊ နွားထီးကို ၃ နှစ်ကျော်မှသားစပ်ခိုင်းနိုင် သည်။ ကိုယ်ဝန်ဆောင် သောကာလမှာ ၁၀ လ (၂၈၂- ရက်ခန့်) ကြာသည်။ နောက်ထပ် သားတင်ရန် ၃-၄ လစောင့်ဆိုင်းရသည်။ သားစပ်မှု အောင်မြင်သော ရာခိုင်နှုန်း ၇၅% ခန့်ဖြစ်သည်။ တစ်နည်းဆိုရသော် နွားမ တစ်ကောင်ကိုသားတင်လျှင် ၇ ကောင်ခန့်အောင်မြင်နိုင်သည်။ နွားကလေး (၃ နှစ်သား အရွယ်အတွင်း) သေနိုင်သော ရာခိုင်နှုန်းမှာ ၆.၅ ဖြစ်သည်။ နွားကြီး သေနိုင်သောရာခိုင်နှုန်းမှာ ၃.၃ ဖြစ်သည်။ ပေါက်ဖွား လာသော နွားကလေးများအနက် အထီးအမမှာ ထက်ဝက်စီခန့်ရှိနိုင်သည်။ နွားမကြီးကို ၁၀ နှစ် အရွယ်ထိ သားတင်နိုင်သဖြင့် ၆ သားခန့် ရရှိနိုင်သည်။ နွားထီးကိုလည်း ၁၀-နှစ်သားအထိ သားစပ်ရန် အသုံးပြုနိုင် သည်။

ထို့ကြောင့် နွားမ ၁၀-ကောင်နှင့် နွားထီး ၁- ကောင်ကို ၈-၁၀ နှစ်ခန့် မွေးမြူပါက နှစ်စဉ်အသားတင် နွားကလေး ၆- ကောင်ခန့် (နှစ်ထပ်တိုးနှုန်းဖြင့်) တိုးပွားလာနိုင်သည်။ ထို အထဲမှ ခိုင်းနွား၂-၃ ကောင်ခန့် ရနိုင် သည်။ အသက် ၂-နှစ် (သွား ၂-ချောင်းကျိုး/စိုက်) အရွယ်တွင်နောက် လိုက်နွားအဖြစ် အသုံးပြုနိုင်ပြီး အသက် ၄-နှစ်အရွယ် (သွား ၄-ချောင်းကျိုး/ စိုက်) အရွယ်တွင် ခိုင်းနွားအဖြစ် အသုံး ပြုနိုင်သည်။ ခိုင်းနွားများကို              ၆-နှစ်ခန့် (၆-မိုးခန့်) ခိုင်းနှိုင်သည်။ နွားမ ၁၀- ကောင် မွေးမြူထားလျှင် မိမိတို့ ခိုင်းရန် အတွက်သာ မဟုတ်ဘဲ အခြားသူအတွက်ပါ ခိုင်းနွားများကို ရောင်းချပေးနိုင်မည် ဖြစ်သည်။ ခိုင်းကျွဲ၊ နွားကျွဲများကို တိုးချဲ့မွေးမြူ သည်နှင့် အမျှစားကျက်မြေကိုလည်း တိုးချဲ့ပေးရန် (သို့မဟုတ်) ရှေးယခင်က ရှိခဲ့ပြီးသော စားကျက်မြေ များတွင် အခြားနည်း အသုံးပြုမှုများကို ရှောင်ရှားသင့်သည်။ မရှောင်သာသဖြင့် စားကျက်မြေကို အခြားနည်း အသုံးပြုလျှင်လည်း အခြားသင့်တော်သောနေရာတွင် အစားပြန်ပေးသင့်ပါသည်။ မွေးမြူရေးကို တောင်သူ လယ်သမားများက ဆောင်ရွက်နိုင်သော်လည်း စားကျက်မြေကိုမူ တာဝန်ရှိသူတို့ကသာ ဆောင် ရွက်ပေးနိုင် သည်။

နွားကြီးတစ်ကောင်ရှိလျှင် တစ်နှစ်တွင် နွားချေး ပိဿာ ၁၅၀ဝ ခန့် (နွားလှည်း ၇ စီးတိုက်ခန့်) ရနိုင် သည်။ ခိုင်းနွား တစ်ရှဉ်းရှိပြီး ရသမျှကျင်ကြီး၊ ကျင်ငယ်၊ နွားအောက်ခင်း ကောက်ရိုး၊ မြက်ခြောက်၊ ပဲရိုးစသည် များနှင့် စားဖိုဆောင်ထွက်အမှိုက်သရိုက်များကိုပါ ကျင်းဖြင့် စုဆောင်းပြီးစနစ်တကျသိုလှောင်ထားပါက နွားချေး မြေဆွေး  လှည်း ၁၅ စီးစာရနိုင်သည်။ ထိုပမာဏ သည် မြေ ၃-ဧက အတွက်မြေဆွေး ရရှိသဖြင့် အလှည့်ကျ ထည့်ပေးပါက တစ်တုံးထွန် (၁၀-ဧကခန့်) အတွက်လုံ လောက်နိုင်သည်။ သို့မဟုတ် အနည်းအကျဉ်းသာ လိုမည်ဖြစ်သည်။

ရေရှည်အကျိုးကို မျှော်ကိုး၍ တောင်သူလယ်သမားတိုင်း ခိုင်းကျွဲ၊ နွားများကို တစ်ပိုင်တစ်နိုင် မွေးမြူကြ ဖို့နှင့် ဒေသအလိုက် တာဝန်ရှိသူတို့က လည်း မွေးမြူရေးအတွက် ကျွဲနွား စားကျက်မြေများကို ထိန်းသိမ်းကြဖို့ တိုက်တွန်းလိုက်ရပါသည်။
မြန်မာ့ခိုင်းနွား(ရွှေနီ)
မြန်မာ့ခိုင်းနွား၏ ကြန်အင်လက္ခဏာများ

မြန်မာလူမျိုးတို့သည် မိမိတို့နှင့်နေ့စဉ်နှင့်အမျှတွဲဖက်လုပ်ကိုင်နေသော ခိုင်းနွားများအကြောင်းကို လေ့လာမှတ်သားကြသည်။ လက်ဆင့် ကမ်း၍ ပညာပေးခဲ့ကြသည်။ တစ်ကျောင်းတစ်ဂါထာ၊ တစ်ရွာ၊ တစ်ပုဒ် ဆန်းလည်းရှိသည်။ တူရာတွေပေါင်းပြီး ပြန်လည် လက်ဆင့်ကမ်းခြင်းသာ ဖြစ်သည်။

ခိုင်းနွားများ၏ ကောင်းခြင်းလက္ခဏာကို ဤသို့သတ်မှတ်ကြသည်။ နဖူးထိပ်အင်းကျယ်ရမည်၊ “ကျယ်သုံးကျယ်” ဟုခေါ်သည်။ နှာတံခုံးပြီး နဖူးကျယ်လျှင် ကြံခိုင်တောင့်တင်းသည်ဟု ဆိုကြသည်။ ထို့အပြင် ဦးချို (ဂျို) သွယ်ရမည်၊ ခြေလက်သွယ်ရမည်၊ မြီးအိုး သွယ်ရမည်တို့ကို “သွယ်သုံးသွယ်” ဟု သတ်မှတ်ကြ သည်။ နွား၏ရုပ်ရည်ချောမောသည်ဟု ဆိုနိုင်သည်။ “သွယ်သုံးသွယ်” ဟု သတ်မှတ်ကြသည်။ နွား၏ ရုပ်ရည် ချောမောသည်ဟု ဆိုနိုင်သည်။ “သွယ်”ဆိုရာတွင် သေးငယ်နေခြင်းမဟုတ်ဘဲ တဖြည်းဖြည်း သေးသယ် သွားခြင်း ( ရှူးသွားခြင်း) ကိုဆိုသည်။ တဖန်နားကြောပြတ်ရမည်၊ ဆီးကြောပြတ်ရမည် (သိုဖတ်မတွဲရ)၊ အမြီး ကြောပြတ်ရမည်တို့ကို “ပြတ်သုံးပြတ်” ဟုခေါ်သည်။ ထို့အတူ လယ်ဖက်၊ သိုဖက်၊ မြီးဖက် “ဖက်သုံးဖက်” လည်းမပါသင့်ဟု ဆိုကြသည်။ သိုဖက်တွဲလျှင် လေးကန်ထိုင်းမှိုင်းသည်။ ထိုမှ တစ်ပါးမျက်စေ့ပြူးပြီး ဝိုင်းရမည်။ ခါးမှာလည်း ကြေးဖလားကို မှောက်ထားသကဲ့သို့ ဝိုင်းရမည်ကို “ဝိုင်းနှစ်ဝိုင်း” ဟုခေါ်ကြသည်။ သမင်ခွာ၊ သမင် မျက်လုံးရှိသော နွားသည် သွက်လက်ဖျတ်လတ်သည်။ “နှာတံခုံးစေ၊ ခွာလုံးစေ” ဟုဆိုကြသည်။ ကြံခိုင် တောင့် တင်းသည်။
(က) အမွေးရောင်

ထို့အပြင်ခိုင်းနွားများ ထမ်းပိုး ကောင်းမကောင်း (ခိုင်း၍ကောင်းမကောင်း)ကို အမွှေးအရောင်ဖြင့် သတ် မှတ်ကြသည်။ ထန်းသီး (ထန်းပင်မှ အသီး) ညိုရောင်အမွှေးရှိသော နွားသည် သွားလာမှုနှေးကွေးသည်။ ထို့ ကြောင့် “ထန်းသီးညိုဝန်ပိုမတင်နဲ့၊ ဝန်ပိုတင်လျှင်ရွာစဉ်မဝေးနဲ့၊ ရွာစဉ်ဝေးလျှင် ကလေးမပါစေနဲ့၊ ကလေး ပါလျှင် ရိက္ခာမနည်းစေနဲ့” ဟုဆိုသည်။ တစ်ဖန် နွားပြာနီဆပ်ဖွဲရောင်ရှိသောနွားသည် ထမ်းပိုးမကောင်းဟု သတ် မှတ်ကြသည်။ ထို့ကြောင့် “နွားပြာနီဆပ်ဖွဲ နှင်တံမလှဲနဲ့၊ နှင်တံလည်းလှဲရော အသွားလည်းစဲရော” ဟု ဆိုသည်။ ထို့အပြင်နွားပြာနီကောက်ရိုးမွှေးမောင်းနိုင်မှပြေးဟုဆိုပြန်သည်။ နွားပြာနီ မျက်ခွံဖြူ ကြိမ်ကူမှ (နှင်တံရိုက်မှ)၊ ကြိမ်မကူ ဂမူမတက်ဟု သတ်မှတ်သည်။ တစ်ဖန်မြီးစွပ်လျှင် ထိပ်ကွက်မှ ထမ်းပိုးကောင်းသည်။ မြီးစွပ်ပြီး ထိပ် မကွက်လျှင် ရွတ်တွတ်တွတ် ပေကပ်ကပ်ဖြင့်ခိုင်း၍မကောင်း၊ လန့်တတ်သည်ဟု ဆိုသည်။ မြီးစွပ်ထိပ်ကွက်ပြီး ခြေလေးချောင်းလုံးစွပ်ပါက “ခြောက်ကွင်း”ဟုခေါ်ပြီး “နွားကြန်စုံ” ဖြစ်သည်။ မင်္ဂလာရှိသည်။ မွေးရန်သင့် သည်ဟု ဆိုကြသည်။ နွားပြာနီမင်ကွပ်မှာ စိတ်ဆက်၍ ခြေသွက်သည်။
(ခ) လက္ခဏာ

နှာတွင်ပါသော ကြန်အင်လက္ခဏာများဖြင့်လည်း  ပိုင်ရှင်၏ ကံကြမ္မာ အဆိုးအကောင်းကို သတ်မှတ် ကြပြန်သည်။ “ဂျို(ဦးချို)တယ်လူး အိမ်ဦးမှာချည် ဥစ္စာသီ၊ ဘယ်ထောင်၊ ညာလဲတက်တက်မွဲ၊ ဘယ်လဲ ညာထောင် တက်တက်ပြောင်” ဟု သတ်မှတ် ကာဂျိုတယ်လူးဖြစ်နေသောနွား ( ဦးချိုတစ်ဖက်လဲပြီး၊ တစ်ဖက် ထောင်နေသောနွား ) သည် စီးပွားဥစ္စာပျက်တက်သည်ဟုယူဆကြသည်။ တစ်ဖန်နွား၏ အစာအိမ်နှင့် ကပ်နေ သော နောက်ဆုံးနံရိုးတစ်ချောင်းတိုနေလျှင် နံတိုဟုလည်း ကောင်း၊ နှစ်ဖက်လုံးတိုနေလျှင် ကျားနံ (ဂဠုံကျားနံ) ဟုလည်းကောင်း ခေါ်ဝေါ်ကြသည်။ ထိုသို့နံတိုပါလျင် ပိုင်ရှင်ထိခိုက်တတ်သည်ဟု ယူဆကြသည်။ ထို့အပြင် နောက်ဆုံးနံရိုးသည် အခြား နံရိုးများထက် ၁-လက်မခန့်ချိုင့်ဝင်နေလျှင် နံပျော့ဟုခေါ်သည်။ ဤသည် လည်း မကောင်းသော လက္ခဏာပင် ဖြစ်သည်။
(ဂ) အမှတ်အသား

ထို့အပြင်ဝမ်းဗိုက်အောက်တွင်အဖြူရောင်အမွှေးများသေးရှည်ရှည်အကွက်တစ်ခုပါရှိလျှင်“တောက်တဲ့” ဟုခေါ်ပြီး၂-၃ ခု ပါလျှင် “မိသားအုပ်” ဟုခေါ်သည်။ ထိုအဖြူကွက်က သေးငယ်နေလျှင် “အိမ်မြှောင်” ဟုခေါ်ပြီး တောက်တဲ့လောက် မထိခိုက်နိုင်ဟု ဆိုပြန်သည်။ အဖန်နွား၏ဝမ်းဗိုက် လက်ပြင်အတွင်းထဲ၌ အမွေးကွက်က လေးပါနေလျှင် တစ်ချက်တစ်ချက်မှ မြင်ရသဖြင့် လျှပ်စီးလက်သကဲ့သို့ဟု ဆိုကာ “လျှပ်ပြက်” ဟုခေါ်ကြသည်။  တစ်ခါတစ်ခါ ဝက်ရူးပြန်ရောဂါ တစ်ခါတစ်ခါ အလုပ်လုပ်ရင်းလဲကျသွားသော “ဝက်ရိုးရောဂါ” ၊ ညအခါ      ကောင်းကင်မော့ကြည့်ပြီးနို့စို့သကဲ့သို့ ပြုကျင့်မှု
(ဃ) ဗွေ

နွားများတွင်လည်း ဗွေပါတတ်သည်။ ထိုဗွေတို့သည် ပိုင်ရှင်၏ ကံကြမ္မာကို ဖန်တီးသည်ဟု ယူဆကြ သည်။ “ဗွေဆင့်မျက်ကြား၊ အဝယ်မှား၊ မယားအိမ်နေ စင်းစင်းသေ”ဟု ဆိုကြသည်။ မျက်စေ့ မျက်စေ့ နှစ်လုံးကြားတွင် ဗွေ-၂ လုံး အထက်အောက်ရှိနေခြင်းကို ဗွေဆင့်မျက်ကြားဟုခေါ်သည်။ မှန်လျောဗွေဆို သည်မှာ မျက်စေ့နှစ်လုံးကြားတွင်ရှိသော ဗွေတစ်လုံးသည် အထက်မျက်ခမ်းနှစ်ခုကို ကြိုးဆွဲလိုက်လျှင် မလွတ် သောဗွေ ဖြစ်သည်။ ထိုဗွေပါနေလျှင် ထမ်းပိုးကောင်းသည်။
သို့ရာတွင် မကောင်းသောလက္ခဏာဟု သတ်မှတ်ကြသည်။ ကောင်းသောလက္ခဏာပြသည့်ဗွေမှာ လက်ပြင်ရှေ့လည်ပင်းပေါ်တွင် တစ်ဖက်တည်း၌ ဖြစ်စေ၊ နှစ်ဖက်စလုံး၌ဖြစ်စေ ဗွေပါနေလျှင် ဗွေတစို့ သို့မဟုတ် ထမ်းပိုးကြီးဗွေဟု ခေါ်သည်။ ထိုနွားသည် ထမ်းပိုးကောင်းသည်။ တစ်ဖန် ဦးခေါင်း ပေါ်တွင် ဗွေ နှစ်လုံးယှဉ်ပြိုင်နေပါက ဗွေပြိုင် (သို့ မဟုတ်) ဗွေချိန်ခွင်ဟုခေါ်ပြီး ထမ်းပိုးကောင်းသည်။ လှည်းဖြင့် ဈေးရောင်း ထွက်ပါက အရောင်းရကောင်း သည်ဟု ယူဆကြသည်။ ကျောပေါ်တွင်ဖြစ်စေ၊ ဦးခေါင်းထက်တွင်ဖြစ်စေ ဖိုခနောက် ဆိုင်ဗွေ သုံးလုံးပါလျှင် မြခနောက်ဟု ခေါ်ပြီး ပိုင်ရှင်ကို ကြီးပွားချမ်းသာ စေသည်။ ထို့အပြင် ကျောပေါ် မှဗွေနှင့် ဝမ်းဗိုက်အောက်ရှိ ချက်တို့တည့်တန်း နေလျှင် ဗွေချက်ပေါက်၊ ချစ်ခုံတစ်ဖက် တစ်ချက်စီ ပေါ်တွင် ဗွေပါနေလျှင် ဗွေကျေးနား၊ ကင်းခြေများ ပုံသဏ္ဌာန်ဖြင့် ချစ်ခုံမှ အမြီးကြားထဲဝင်သွားသော ဗွေကို လင်းဒနိုက်ဟုခေါ်သည်။
(င)  အဆိုအမိန့်များ
(၁) မမွေးအပ်သော နွား ၇ မျိုး

အသားပွငြား၊ နိမ့်တင်ပါး၊ ထိုနွား မမွေးအပ်။ ပေါင်အနေစောင်း၊ ဒူး၊ မြင်းခေါင်း၊ မကောင်းဟူ၍ မှတ်။ သွားကြားရေယို၊ တယ်လူး၊ ချို၊ နံတို-နံကြပ် မမွေးအပ်။ မျက်တွင်းကျနွား၊ ခြေခွင်နွား၊ မွေးထားမပြုအပ်။ မြေကပ် ၍ပါ၊ ခြေကိုခါ၊ ခေါင်းမှာတိုလက် မမွေး အပ်။ မွေးရှည်၊ မြီးရှည်၊ မွေးကြမ်းသည်၊ လည်ရှည်တိုလတ် မမွေးအပ်။ နှာ ခေါင်းရှည်ငြား၊ ထိုထိုနွား ရှောင်ရှားသက်လုံးမှတ်။
(၂) မွေးအပ်သော နွား ၉ မျိုး

ထိပ်လယ်ကျားနေ၊ လည်ပင်းဗွေ၊ ရှိလေ နွားမြတ် မွေးမြူအပ်။ ခြေလက် အဖြူ၊ မြီးကျားဖြူ၊ ခွာမူ ရှည်လတ်မွေးမြူအပ်။ ကျောက်ကုန်း၌ဗွေ၊ မြီးရင်း ဗွေ၊ ရှိလေတုံလတ် မွေးမြူအပ်။ မျက်စိမျက်နှာ တင့်တယ်စွာ၊ နားမှာ တိုလတ် မွေးမြူအပ်။ ဆိုခဲ့လေငြား ထိုသည့် နွားကောင်းစားစေတတ်၊ သက်လုံးမှတ်။
(၃) ခုနစ်နေ့သား နွားမွေးကျမ်း

နေ့ခုနစ်ရက်၊ နွားမွေးချက်၊ တစ်သက်လုံးမှတ်လေကွယ်။ တနင်္ဂနွေနေ့ သားမွေးသူငြား၊ နွားမှာ နီဖြူတဲ့။ တနင်္လာသားမွေးဖို့ကား နွားနီ ပြောက်ကျားတဲ့။ နွားနက်အင်္ဂါ၊ ဗုဒ္ဓဟူးနေ့သား နီကျားကျား မွေးထားကောင်း သည်တဲ့။ ကြာသ ပတေး၊ သောကြာ၊ စနေမှာ ကြောင်၊ ပြာ၊ အနှမ်း မွေးလေတဲ့။
(၄) နံသင့်နွား မွေးနည်း

တနင်္ဂနွေသား မွေးသင့်ငြား နွားနီ၊ နွားနက်တဲ့။ နီပြောက်မွေးပါ တနင်္လာ၊ အင်္ဂါ ဖျြူကျားတဲ့။ ဗုဒ္ဓနီ ဖြူဖြူ၊ ဂုရုမူ၊ မွေးယူ  နွားနက်တဲ့။ နှမ်းပြောက် သောကြာ စနေမှာ ဥစ္စာတက်မည်တဲ့။

ထိုထိုသော အယူအဆများသည် နွားပွဲဈေး၌ ရောင်းသူကို ခြောက်လှန့်ပြီး ဝယ်သူကို မြှောက်ပင့် ပေးသော နွားပွဲစားများ၏ လုပ်ကြံမှုလည်းပါနိုင် သည်။ အချို့မှန်သည်လည်း ရှိနိုင်သည်။ မည်သို့ပင် ရှိစေကာမူ နွားပွဲဈေးမှ မဝယ်ရအောင် ကိုယ့်အားကိုယ်ကိုး၊ ကိုယ့်မျိုးကိုယ်ထား၊ ကိုယ့်နွားကိုယ်မွေးကြဖို့ တိုက်တွန်း လိုက်ရပါသည်။
ref: နည်းသစ်စွယ်စုံ

ဈေးကွက်က ကောင်းကောင်း နာနတ်သီး အကြောင်း

Myanmar Name - နာနတ်သီး

English Name – Pineapple

Binomial Name – Ananas comosus

Genus – Ananas

နာနတ်သီးဟာ အပူပိုင်းဒေသမှာ အများအပြားပေါက်ရောက်တယ်. ဘယ်ရီသီး အမျိုးအစားတစ်မျိုးဖြစ်ပါတယ်။ မြန်မာနိုင်ငံမှာ စီးပွားရေးအရ ဖြစ်ထွန်းအောင်မြင်နိုင်တယ်. အပင်တစ်မျိုးဖြစ်ပါတယ်။ နာနတ်သီးရဲ. သရဖူပုံသဏ္ဍာန် ပင်စည်ခေါင်းအား ဖြတ်တောက် စိုက်ပျိုးခြင်းဖြင်. မျိုးပွားနိုင်ကြပါတယ်။အပင်ငယ်များက လပေါင်း ၂၀ မှ ၂၄ လအတွင်း ပန်းပွင်.နိုင်ကြပြီး ၆လအတွင်း အသီးသီးနိုင်သော သက်ရင့်ဘယ်ရီပင်များဖြစ်ကြပါတယ်။July - September လများတွင် အသီးသီးလေ.ရှိပါသည်။ နာနတ်သီးများဟာ ခူးဆွတ်ပြီးလျှင် သိသာထင်ရှားစွာ မရင်.မှည်.နိုင်ကြပါဘူး။

နာနတ်သီးကို ချက်ပြုတ်ရာတွင်လည်းကောင်း အရည်ဖျော်သောက်၍လည်းကောင်း များစွာသော အချိုပွဲထည်.သွင်း အသုံးပြုနိုင်ပါသည်။ ထို.အပြင် နာနတ်သီးချည်းပဲ သက်သက်လည်း စားတတ်ကြပါသည်။ ဖိလစ်ပိုင် လူမျိုးများက နာနတ်ရွက်များကို အိမ်တွင်း အလှဆင်ပစ္စည်းများအဖြစ်လည်း အသုံးပြုကြသည်။

ဥရောပတိုက်သားများဟာ 17 ရာစု အလယ်လောက်က အမေရိကတိုက်မှာ နာနတ်သီးကို ပထမဦးဆုံးရှာဖွေ တွေ.ရှိခဲ.ကြသူများ ဖြစ်ပါတယ်။ သိပ္ပံနံမည် Annas ဆိုတယ်. စာလုံးကတော. Tupian ဘာသာစကားမှ ဆင်းသက်လာပြီး အဓိပ္ပာယ်ကတော. အံ့ဖွယ်ကောင်းသော အသီး လို.ပြောကြပါတယ်။

နာနတ်ပင်ရဲ. အပင်ပုံစံကတော. အကြမ်းအားဖြင်. ပင်ခြေနှိမ်.ပြီး အစာအပာာရာ သိုလှောင်နိုင်သော ပင်စည်အထူ ရှိပြီး ချွန်ထက်၍ကားနေသော အရွက်များရှိသည်။ အချို.သော နာနတ်ရှားပါးမျိုးစိတ်များမှာ ၅ ပေမှ ခြောက်ပေ အထိရှိသည်။

နာနတ်သီးသည် Vitamin C နှင်. Maganese ဓာတ်များစွာ ကြွယ်ဝသော အစားအစာ တစ်မျိုးဖြစ်သည်။ နာနတ်သီး 100g တွင် Vitamin C 47.8mg ရာခိုင်နူန်းအားဖြင်. 58%၊ Maganese 0.927mg ရာခိုင်နူန်းအားဖြင်. 44% ပါဝင်သည်။ ထို.ကြောင်. ဆရာဝန်များက နာနတ်သီးပုံမှန် စားသောသူ ကင်ဆာရာဂါဖြစ်ပွားနူန်းကို လျှော.ကျစေသည် ဟု ပြောကြပါသည်။ ထို.အပြင် နာနတ်သီးတွင် မကောင်းသော အဆီများကို လျှော.ကျစေနိုင်သော ဂုဏ်သတ္တိရှိသဖြင်. Diet လုပ်နေသော သူများက ပို၍ပင်စားသုံးသင်.ကြောင်း ပြောပါသည်။

ဂါနာနိုင်ငံမှ နာနတ်သီးစိုက်ခင်း

2009 ခုနှစ် စစ်တမ်းများအရ ဘရာဇီးနိုင်ငံသည် နာနတ်သီးစိုက်ပျိုး ထုတ်လုပ်မူတွင် ၂၂၀၆ ကီလိုတန်ဖြင်. ပထမနေရာတွင် ရပ်တည်နေသောနိုင်ငံတစ်ခုဖြစ်သည်။ 

နာနတ်သီးသည် မြန်မာနိုင်ငံတွင် ဈေးကောင်းရသော အသီးတစ်မျိုးပင်ဖြစ်သည်။ နာနတ်ပင်အား တစ်ပင်နှင်. တစ်ပင် ၆ ပေကြားစိုက်ပျိုးသင်.သည်။ ရိတ်သိမ်းချိန် မတိုင်မှီ တစ်ပတ်အလိုတွင် အပင်ကြီးထွားဆေး တစ်မျိုးဖြစ်သည်. Ethephon ကို ဖြန်းခြင်းဖြင်. နာနတ်သီးများအား ရွှေဝါရောင်ဖြင်. ဈေးကွက်အတွင်း ရောင်းချနိုင်မည် ဖြစ်ပါသည်။ ဆေးဖြန်းထားသော အသီးအမှည်.သည် ၂ ရက်အတွင်းသာ စားသုံးသင်.သည်။ နာနတ်သည် ရေအရမ်းဆာသောအပင်မဟုတ်သဖြင်. အခြားစရိတ်လုပ်ခ သက်သာခြင်း၊ အကြမ်းခံနိုင်ခြင်းတို.ကြောင်. နာနတ်ပင်သည် စီးပွားဖြစ်စိုက်ပျိုးသင်.သော အပင်ဖြစ်ကြောင်း ချယ်ရီမြေမှ ညီအစ်ကိုမောင်နှမများအားတိုက်တွန်းလိုက်ရပါသည်။

အားလုံး ကိုယ်စိတ်နှစ်ဖြာ ရွင်လန်းကျန်းမာ ချမ်းသာကြပါစေ

ဆုတောင်းလျက် Demien Winn

Ref ; http://en.wikipedia.org/wiki/Pineapple

ကျွန်တော် ဖတ်ဖူးသမျှ စတော်ဘယ်ရီ အကြောင်း

Name : Strawberries

Binomial Name: Fragaria ananassa

Genus : Fragaria

ဥယျာဉ်ခြံများတွင် စိုက်ပျိုးနိုင်သော စတော်ဘယ်ရီပင်များဟာ ကမ္ဘာအနှံ့မှာ  သဘာဝအလျောက် ပေါက်ရောက်နေတယ်. စတော်ဘယ်ရီအရိုင်းများမှ ဆင်းသက်လာတာဖြစ်ပါတယ်။ သူ့ရဲ. မွေးပျံ.တယ်. ရနံ. နီရဲတယ်. အဆင်း အရည်ရွမ်းတယ်. အသား ချိုမွေးတယ်. အရသာတို.ကြောင်. တစ်ကမ္ဘာလုံးက လူသိများကြပါတယ်။ စတော်ဘယ်ရီအယဉ်များဟာ မူလမျိုးရင်း Fragaria မှ ဆင်းသက်လာတာ ဖြစ်ပါတယ်။ ကျွန်တော်တို. စတော်ဘယ်ရီသီးလို. သိထားတယ်. စတော်ဘယ်ရီ က ဘယ်ရီမျိုးနွယ် မဟုတ်ပါဘူး အုပ်စုလိုက် ကြီးထွားတတ်ကြတယ်. မြေလျှောက်ပင် မျိုးနွယ်စုတစ်ခုသာ ဖြစ်ပါတယ်။ တချို.တွေက အသီးလိုက် စားကြတယ်။ တချို.တွေက ရေခဲမုန်. ဒါမှမဟုတ် ချောကလက်အဖြစ် ပြုလုပ် စားသုံးကြတယ်။

ဥယျာဉ်ခြံမြေ အတွင်းမှာ စိုက်ပျိုးနိုင်တယ်. စတော်ဘယ်ရီအယဉ်ကို ပြင်သစ်နိုင်ငံ၊ ဘရစ်တီနီမြို. မှာ ၁၇၅၀ ခုနှစ်ပိုင်း လောက်က စတင်မျိုးပွားခဲ.ပါတယ်။ ယခုမြန်မာနိုင်ငံမှာ ရောက်ရှိနေတယ်. စတော်ဘယ်ရီ အကြီးမျိုး Fragaria ananassa က စီးပွားရေးအရ ကုန်ကြမ်းထုတ်လုပ်မှူ များပြားလာအောင် အစားထိုး မျိုးပွားထားတာ ဖြစ်ပါတယ်။ စတော်ဘယ်ရီကို ရှေးခေတ်ရောမ ဆေးကျမ်းများမှာ စိတ်ကျရောဂါကုသရန် အသုံးပြုခဲ.ကြတယ်လို.ပြောကြပါတယ်။ ၅ယောက်မြောက် ပြင်သစ်ဘုရင် ချားလ်ကိုယ်တိုင်က စတော်ဘယ်ရီကို အရမ်းကြိုက်လို. တော်ဝင်ဥယျာဉ်အတွင်းမှာ စတော်ဘယ်ရီအပင် ပေါင်း ၁၂၀၀ ကျော် စိုက်ပျိုးစေခဲ.တယ် လို.လဲ ပြောကြပါတယ်။ AD 1400 လောက်က ဥရောပမှာ ရှိတယ်. ဘာသာရေးခေါင်းဆောင်များက စတော်ဘယ်ရီအရိုင်းကို အဆောင်လက်ဖွဲ. အဖြစ်လည်း ထားခဲ.ကြတယ်လို. ပြောကြပါတယ်။

၂၀၁၁ ခုနှစ်ရဲ. စစ်တမ်းများအရ အမေရိကန်နိုင်ငံဟာ စတော်ဘယ်ရီကို အများဆုံး စိုက်သော နိုင်ငံအဖြစ် အသီးတန်ပေါင်း ၁၃၁၂၉၆၀ တန် နဲ. စံချိန်တင်နိုင်ခဲ.ပါတယ်။  စတော်ဘယ်ရီပင်ဟာ အအေးဓာတ်ကို ကြိုက်တယ်. အပင်ဖြစ်ပါတယ်။ ပြင်ဦးလွင် ရှမ်းပြည်နယ် နှင်. မြန်မာနိုင်ငံ အအေးပိုင်းဒေသ (ချင်းပြည်နယ်မှဒေသတစ်ချို.မပါ) တော်တော်များများမှာ စီးပွားဖြစ် စိုက်ပျိုးကြပါတယ်။ စတော်ဘယ်ရီပင်သည် အအေးဓာတ်ကို အရမ်းကြိုက်သော်လည်း ရေအရမ်းဆာသော အပင်မျိုးတော. မဟုတ်ပါ။ စတော်ဘယ်ရီများကို ဘောင်ကျယ်ကျယ် အပင်ကျဲကျဲဖြင်. စိုက်ပျိုးတတ်ကြသည်။

စတော်ဘယ်ရီဘောင် လုပ်တော.မည်ဆိုပါက မြေအစိုဓာတ်အမြဲမပြတ် ရရှိရန် မြေအစိုဓာတ်ခံနိုင်သော မြေမျိုးကို ရွေးချယ်ရမည်။ ဘောင်အကျယ်  - ၄ပေ လူသွားလမ်း - ၁ပေခွဲ အပင်ကြား - ၁ထွာ ဖြင်.စိုက်လျှင်ပိုမို သင်.တော်သည်။ ဘောင်အား မြေညှက်ညှက် ဖြစ်နေအောင် ဘောင်ဖော်ပေးပါ။ ဘောင်ပေးပြီးပါက နွားချေး အနည်းငယ် ဖြူးပေးပါ။ ပြီးလျှင် ရေအနည်းငယ် ဖျန်းပါ။ ပျိုးပင်များအား စိုက်စိုက်ပြီးချင်း ရေလောင်းပေးရန်လိုအပ်ပါသည်။

စတော်ဘယ်ရီပင်သည် အမြဲတစေ ဂရုစိုက်နေရသော အပင်ဖြစ်ပါသည်။ ၃ ပတ်ကြာလျှင် မြေသြဇာ စကျွေးနိုင်ပါပြီ။ ၄ ပတ်ကြာလျှင် အပင်ဟော်မုန်းဆေးဖြန်းနိုင်ပါပြီ။ စတော်ဘယ်ရီအပင်အား အထွက်နူန်းမကျသွားစေရန် တစ်သီးစား ပြီးလျှင် နေရာပြောင်းရွေ.စိုက်ရပါသည်။

စတော်ဘယ်ရီပင်များမှာ မှို၊ အရွက်ကွက်ရောဂါ၊ ရွက်ထွေးရောဂါ၊ မြစ်မည်းရောဂါများ ဖြစ်တတ်လို. စတော်ဘယ်ရီပင်များကို သေချာပြုစုသင်.ပါတယ်။ လိုအပ်ပါကလည်း သေချာနားလည်တတ်မြောက်သူ ရဲ.အကြံဥာဏ်ကိုသာ လက်ခံသင်.ပါတယ်။ စတော်ဘယ်ရီဟာ မြန်မာနိုင်ငံမှာ ဈေးကောင်းရတယ်. အသီးတစ်မျိုးဖြစ်လို. ချယ်ရီမြေမှ ညီအစ်ကိုမောင်နှမများ စတော်ဘယ်ရီကိုစိုက်သင်.ကြောင်း အကြံဥာဏ်ပေးချင်လိုက်ပါတယ်။

အားလုံး ကိုယ်စိတ်နှစ်ဖြာ ရွင်လန်း ချမ်းသာ ကြပါစေ...။

ဆုတောင်းလျက် Demien Winn

Ref: Wikipdia . Strawberries

ဟင်းသီးဟင်းရွက် စိုက်ပျိုးမှုစနစ်များ

ဟင်းသီးဟင်းရွက် စိုက်ပျိုးစနစ်သည် လူနေမှုစနစ် တိုးတက်ပြောင်းလဲလာသည်နှင်. အမျှ ကွာခြားလာသည်ကို တွေ.ရှိရပေသည်။ အကြမ်းအားဖြင်. ဟင်းသီးဟင်းရွက် စိုက်ပျိုးမှု စနစ်ကို (၆) မျိုးခွဲခြားနိုင်ပါသည်။

အိမ်ခြံဝင်းအတွင်း စိုက်ပျိုးခြင်းစနစ်

ဤစနစ်မှာ ရှေးအကျဆုံး စိုက်ပျိုးမှုစနစ်ဖြစ်သည်။ လူသားများ အဖွဲ.လိုက် စုပေါင်း ပြောင်းရွေ. နေထိုင်သော ခေတ်ကာမှစ၍ မိမိတို.၏ နေ.စဉ်စားသုံးရန်အစာတွက် စိုက်ပျိုးခဲ.ကြသည်။ မြေဆီမြေနှစ်ကုန်ခမ်းသွား၍ စိုက်ပျိုးမှု မအောင်မြင်သောအခါတွင် နေရာသစ်ကို ရှာဖွေလေ.ရှိကြသည်။ အချူပ်အားဖြင်. ဤစိုက်ပျိုးမှူ စနစ်သည် မိမိ၏ အဖွဲ.စည်း သို. မိမိအိမ်ထောင် စားသုံးရန်အတွက် စိုက်ပျိုးခြင်းဖြစ်သည်။

တစ်နိုင်တစ်ပိုင် စိုက်ပျိုးခြင်းစနစ်

လူနေမှုစနစ်တိုးတက်လာ၍ မြို.ကြီးပြကြီးများတွင် အမြဲတစေ နေထိုင်လာသောအခါ စိုက်ပျိုးရန်အတွက် မြေနေရာမရှိခြင်း အခြားစီးပွားရေးလုပ်ငန်းကြောင်. အချိန်ပိုမရှိခြင်း၊ ဟင်းသီးဟင်းရွက် စိုက်ပျိုးခြင်းလုပ်ငန်းကို ကျွမ်းကျင်မှုမရှိခြင်း စသည်တို.ကြောင်. ကိုယ်တိုင်မစိုက်ပျိုးကြတော.ပေ။ ထိုအခါ မြို.သူမြို.သားများအတွက် စိုက်ပျိုးရောင်းချလာကြသည်။ အချုပ်အားဖြင်. မြို.၏ လိုအပ်မှုအပေါ် မူတည် စိုက်ပျိုးခြင်း ဖြစ်သည်။

ပြည်တွင်းပြည်ပ ပို.ကုန်အဖြစ်စိုက်ပျိုးခြင်းစနစ်

ခေတ်မီတိုးတက်လာ၍ ပို.ဆောင်ဆက်သွယ်ရေးကောင်းမွန်သောအခါ၊ ဟင်းသီး ဟင်းရွက်များကို ဒေသနှင်. ကိုက်ညီကောနေရာများတွင် စိုက်ပျိုးလာကြပြီး ပြည်တွင်းပြည်မ ဈေးကွက်များသို. မော်တော်ကား မီးရထား လေယာဉ်ပျံ စသည်တို.ဖြင်. တင်ပို.ရောင်းချနိုင်ရန် ကျယ်ကျယ် ပြန်.ပြန်. စိုက်ပျိုး ထုတ်လုပ်ကြပါသည်။ ဥပမာ ရော်ဘာစိုက်ပျိူး တင်သွင်းမှူ

စည်သွတ်လုပ်ငန်းအတွက် စိုက်ပျိုးခြင်းစနစ်

သီးနှံသိုလှောင်သော နည်းပညာများကို တတ်မြောက်သောအခါ ပိုလျှံသော သီးနှံများကို စည်သွတ်လုပ်ငန်းစက်ရုံများမှ ဝယ်ယူအသုံးပြုလာကြသည်။ သီးနှံအများအပြား စိုက်ပျိုးသောဒေသများတွင် စက်ရုံကြီးများတည်ဆောက်လာကြပြီး၊ လတ်ဆက်စွာ စားသုံးရန်အတွက် သီးနှံကောင်းများကို အဝေးသို. ဈေးနှူန်းတစ်မျိုးဖြင်. ရောင်းချပြီး၊ လက်ကျန်ကို စက်ရုံများသို. ဈေးနှူန်းလျှော.၍ ရောင်းချကြသည်။ ယခုအခါတွင် စက်ရုံလိုအပ်ချက်ပေါ်မူတည်၍ သီးသန်. စိုက်ပျိုးလာကြသည်။ ထိုအခါ စည်သွတ်လုပ်ငန်းနှင်. ကိုက်ညီမည်. အပင်ကို ရွေးချယ်၍ စိုက်ပျိုးရသည်။

အချိန်အခါမဟုတ်သည်. အချိန် စိုက်ပျိုးခြင်းစနစ်

တိုးတက်သော နိုင်ငံများတွင် ဟင်းသီးဟင်းရွက်ကို ရာသီးချိန်မဟုတ်သော်လည်း အောင်မြင်စွာ စိုက်ပျိုးနိုင်ရန် ဖန်တီးလာကြသည်။ အထူးသဖြင်. ခရမ်းချဉ်နှင်. သခွားသီး၊ ဖရဲသီးစသည်တို.ကို တစ်နှစ်ပတ်လုံး စားသုံးနိုင်ရန် မှန်အိမ်ကြီးများတွင် အပူချိန်ထိန်း၍ စိုက်လာကြသည်။ ရာသီမဟုတ်သော အချိန်တွင် အထူးပြုစုစိုက်ပျိူးရခြင်းကြောင်. စိုက်စရိတ်ကြီးမားသည်။ ဈေးကြီးပေး၍ ဝယ်စားနိုင်သော နိုင်ငံများတွင် အသုံးပြုစိုက်ပျိုးကြသည်။ 

မျိုးစေ.ထုပ်လုပ်ရန် စိုက်ပျိုးခြင်းစနစ်

ဟင်းသီးဟင်းရွက်ကို မျိုးအတွက် စိုက်ပျိုးခြင်းနှင်. စားသုံးရန်အတွက် စိုက်ပျိုးခြင်းတို.သည် ကွာခြားမှုရှိပေသည်။ မျိုးကောင်းမျိုးသန်.ကို သုံးမှသာလျှင် စိုက်ပျိုးမှုကို အကျိုးဖြစ်ထွန်းမည် ဖြစ်သည်.အလျှောက် မျိုးကောင်းမျိုးသန်. ရရှိနိုင်ရန်အတွက် သင်.လျှော်သော မြေ၊ ရာသီဥတုနှင်. ရောဂါကင်းသောဒေသတို.တွင် ရွေးချယ်စိုက်ပျိုးရပေသည်။ မျိုးစေ.အတွက် ရိတ်သိမ်းခြင်း ချွေခြင်း နေလှန်းခြင်း၊ ထုတ်ပိုးဖြင်း သိုလှောင်ဖြင်း စသော လုပ်ငန်းများသည် သီးသန်. လုပ်ငန်းများဖြစ်သည်. အလျောက် ကျွမ်းကျင် နားလည်နိုင်ရန်လည်း လိုအပ်လှပါသည်။ ထို.ကြောင်. ဟင်းသီးဟင်းရွက် မျိုးစေ.ထုပ်လုပ်ခြင်း လုပ်ငန်းကို စီးပွားဖြစ်လုပ်ကိုင်ကြသည်။

Ref; ဟင်းသီးဟင်းရွက်စိုက်ပျိုးရေး : မြန်မာ့စိုက်ပျိုးရေးလုပ်ငန်း : 2000

အမှာစကား

အားလုံး မင်္ဂလာပါ။ ကျွန်တော် နံမည် စည်သူဝင်းပါ။ ကလောင်နံမည်ကတော. Demien Winn (ပြင်ဦးလွင်)ပါ။ ကျွန်တော်အတွေ.အကြုံ နဲ. ဒီ စာမျက်နှာကို ရေးသားပြုစုရခြင်းဖြစ်ပါတယ်။ ကျွန်တော် အနေနဲ. ဒီ Blog ကို ယနေ.ခေတ်စနစ်အနေနဲ. လူငယ်များဟာ မိခင်ဘာသာ မြန်မာစာပေအနေနဲ. ဖော်ပြပေးမယ်. အင်တာနက်စာများကို ဖတ်ရှူလေ.လာနိုင်အောင်၊ စိုက်ပျိူးရေးနဲ. အသက်ဝမ်းကြောင်းမွေးမြူမှူ ဆိုင်ရာ ဗဟုသုတများ ရရှိနိုင်အောင် ကျွန်တော် Demien Winn (ပြင်ဦးလွင်)[အင်တာနက် ကလောင်နံမည်] အသုံးပြုပြီးရေးသား ပြုစုခြင်းဖြစ်ပါတယ်။

ယနေ.ခေတ် လူငယ်နဲ. အင်တာနက်

ကျွန်တော်တို. မြန်မာပြည်က လူငယ်တော်တော်များက အင်တာနက်ကို မကောင်းတယ်.နေရာမှာ အသုံးချနေကြပါတယ်။ မြန်မာနိုင်ငံရဲတပ်ဖွဲ. စစ်တမ်းအရ ယခုအခါ လူငယ်များ အင်တာနက်ကို မှားယွင်းစွာ အသုံးချမှူ ကြောင်. မှူခင်းဖြစ်ပွားနူန်းတိုးတက်လာရတယ် လို.ဆိုပါတယ်။ တကယ့်အပြင် လက်တွေ.မှာလည်း မှုခင်းဖြစ်ပွားနူန်း တိုးတက်လာတာကို ကျွန်တော်တို.တွေ.ရှိခဲ.ပါတယ်။ အဓိကကတော. မြန်မာဘာသာနဲ. အကျိူးရှိရှိ သုတရသ အပြည်.ပေးနိုင်မယ်. အင်တာနက် စာမျက်နှာများ မရှိတာကိုလည်းတွေ.ရပါတယ်။ ယနေ.အင်တာနက်ခေတ်ကြီးမှာ အချိန်နဲ. တပြေးညီ ကောင်းသတင်း ဆိုးသတင်းများကို လူမှူကွန်ယက် စာမျက်နှာ များမှ တဆင်.ကူးစက်ကြပါတယ်။ အင်တာနက် ကူးစက်မှူက ကောင်းကျိူး ထက် ဆိုးကျိူးများနေသောကြောင်. အများ ပြည်သူအကျိုးအတွက် အုတ်တစ်ချပ် သဲတစ်စုပ်ပါဝင်နိုင်လျှင်ပင် ကျွန်တော် အပင်ပန်းခံရကျိူး ရေးသားရကျိုးနပ်ပါပြီ။

အကယ်၍များ "စေတနာက ဝေဒနာ" "မျက်နှာမရဘဲ ခြေထောက်ရ" ခဲ.လျှင် ကျွန်တော် တက်သစ်စ Onlineစာရေးဆရာ တစ်ယောက်အနေနဲ. အမှားပါခဲ.သည်ရှိသော် အထူးအလေးထား တောင်းပန်အပ်ပါသည်။